Azərbaycanda bir qrup ədəbiyyat adamına xalq şairi və xalq yazıçısı fəxri adları verilib. Prezidentin mətbuat xidmətinin məlumatına görə, Azərbaycan Respublikası Prezidentinin Sərəncamına əsasən, Vahid Əziz (Cəfərov Vahid Əziz oğlu), Ramiz Rövşən (Əliyev Ramiz Məmmədəli oğlu) Musa Yaquba (Yaqubov Musa Səfiməmməd oğlu) Xalq şairi fəxri adları verilib. Həmçinin, Abdullayev Kamal Mehdi oğlu (Kamal Abdulla), Rəsulzadə Natiq Rəsul oğlu, Vəliyeva Afaq Məsud qızı (Afaq Məsud) Xalq yazıçısı fəxri adlarına layiq görülüblər.