"Real Madrid" klubunda yeni baş məqşçi təyin edilib. Sonuncu məşqçi Santyaqo Solari istefaya göndərildikdən sonra bir neçə namizəd adı çəkilirdi.
Klub yaydığı məlumata görə, komandanın başına Zinəddin Zidan keçib. Fransalı mütəxəssislə 2022-ci ilin iyununa kimi müqavilə imzalanıb.
Zidan bundan əvvəl 2016-cı ildən 2018-ci ilin iyununa kimi Madrid təmsilçisini çalışdırıb.
O, bu komanda ilə üç dəfə Çempionlar Liqası, iki dəfə UEFA superkuboku və klublararası dünya çempionatı, bir dəfə La Liqa və İspaniya Superkubokunun qalibi olub.
