Bu gün, dekabrın 12-si Heydər Əliyevin vəfatının 13-cü ildönümü ilə əlaqədar prezident İlham Əliyev, dövlət və hökumət xadimləri Fəxri Xiyabanda onun məzarını ziyarət ediblər.

Dövlət başçısı məzarın önünə əklil qoyub. Azərbaycan Respublikasının dövlət himni səslənib.

H.Əliyev 1969-1982, 1993-2003-cü illərdə Azərbaycana rəhbərlik edib. 2003-cü ildə səhhətinin pisləşməsi ilə bağlı öncə Türkiyədə, sonra ABŞ-ın Klivlend klinikasında müalicə alıb. Elə 2003-cü il dekabrın 12-də onun Klivlend klinikasında vəfat etdiyi bildirilir.