Ermənistanın konstitusiya quruluşunun devrilməsində ittiham olunan sabiq prezidenti Robert Koçaryan 1 mart 2008-ci ildə keçirilən etiraz aksiyasının dağıdılmasına dair iş üzrə ifadə verməkdən imtina edib. “Report” RİA "Novosti"yə istinadən xəbər verir ki, bunu cümə günü Xüsusi İstintaq Xidmətinin rəhbəri Sasun Xaçatryan deyib. "Cənab Koçaryan ifadə verməkdən imtina edib, digər istintaq hərəkətlərində iştirak etməyib və istintaq hərəkətlərinin aparıldığı otağı tərk edib", - deyə Xaçatryan yerli İctimai televiziyanın efirində bildirib.