Ermənistanın keçmiş prezidenti və baş naziri Serj Sarkisian ölkənin hakim Respublika Partiyasının sədrliyindən də istefa verib.

Abzas.net xəbər verir ki, bu barədə Rusiya mətbuatı məlumat verib.

Bildirilir ki, öncə partiya daxilində sədrin dəyişdirilməsi barədə müzakirələr başlayıb. Bu, partiyanın mətbuat xidmətinin açıqlamasında qeyd edilib.

Daha sonra isə, Serj Sarkisian partiya sədri postundan istefa verdiyini bəyan edib.

Sarkisian bu qərarı ölkədə sülh və stabilliyin bərqərar olması naminə verdiyini qeyd edib. O, baş nazir postundan da məhz bu səbəbdən getdiyini vurğulayıb.