Fövqəladə Hallar Nazirliyində (FHN) və Dövlət Sərhəd Xidmətində (DSX) çalışanların maaşları artırılıb.
Prezident İlham Əliyev bu gün, martın 7-də bununla bağlı iki sərəncam imzalayıb
Sərəncamlardan biri Dövlət Sərhəd Xidmətinin hərbi qulluqçularının və dövlət qulluqçusu olmayan mülki işçilərinin maaşlarının artırılması haqqındadır. Həmin sərəncamla qeyd olunan şəxslərin aylıq vəzifə maaşları martın 1-dən orta hesabla 10 faiz artırılır.
Başqa bir sərəncam isə Fövqəladə Hallar Nazirliyinin hərbi qulluqçularının, xüsusi rütbəsi olan əməkdaşlarının və dövlət qulluqçusu olmayan mülki işçilərinin maaşlarının artırılmasını nəzərdə tutur.
Onların aylıq vəzifə maaşları da martın 1-dən 10 faiz artırılıb.