Azərbaycanda “Aİ-95” (“Premium”) və “Ai-98” (“Super”) markalı benzinin qiyməti qalxıb.
Abzas.net xəbər verir ki, "Premium" və "Super" benzin Azərbaycana xaricdən idxal olunur.
Hər iki markadan olan benzinin 1 litrinin pərakəndə satış qiymətində 0,20 manat artım baş verib. Bundan sonra "Aİ-95" 1.25, "Aİ-98" isə 1.50 manata satılacaq.
Qiymət artımı, başda Rumıniya olmaqla, mənbə ölkələrdə bahalaşma ilə əlaqələndirir.
Bir müddət, Azərbaycanda "Aİ-98” (“Super") markalı benzinin satışı dayandırılıb. "Super" markalı benzinin idxalı və satışı ilə məşğul olan "SOCAR Petroleum" QSC-nin mətbuat xidmətinin rəhbəri Üzeyir Həbibbəyli bildirib ki, fasilə təxminən 1 ay davam edəcək:
“Artıq yanacaq sifariş verilib. Gömrük rəsmiləşdirilməsinə sərf olunan vaxtı da nəzərə alsaq, yeni yanacaq partiyası təxminən 1 ay sonra Azərbaycana gətiriləcək".