Birləşmiş Millətlər Təşkilatı Təhlükəsizlik Şurası (BMT TŞ) Şimali Koreyanın ballistik raket sınağı həyata keçirməsindən sonra təcili iclas çağırıb.

Abzas.net xəbər verir ki, iclasın ardından jurnalistlərə açıqlama verən BMT TŞ sədri və Ukraynanın BMT-dəki daimi nümayəndəsi Vladimir Yelchenko, şura üzvlərinin səs birliyi ilə qəbul etdiyi mətbuat açıqlamasını oxuyub.

Şura üzvlərinin Şimali Koreyanın ballistik raket sınağı həyata keçirməsini sərt şəkildə qınadığını vurğulayan Yelchenko, bu hərəkətlə əvvəllər alınan BMT TŞ qərarlarının pozulduğunu ifadə edərək, şuranın daha ciddi tədbirlər ala biləcəyini söyləyib.