Səyyar "ASAN qatar" fevralın 1-dən fəaliyyətə başlayacaq.

APA-nın verdiyi məlumata görə, səyyar "ASAN qatar"ın təqdimatı zamanı bildirilib ki, qatar növbəli qaydada ölkənin bütün istiqamətlərində hərəkət edərək əvvəlcədən təyin olunan yerdə dayanacaq və fəaliyyət göstərəcək. Qeyd olunub ki, fevralın 1-dən ilk olaraq səyyar "ASAN qatar" Qazaxda vətəndaşlara 15 gün ərzində xidmət edəcək. Xidmətlər Ədliyyə Nazirliyi, Daxili İşlər Nazirliyi, Əmlak Məsələləri Dövlət Komitəsi, Əhalinin Sosial Müdafiəsi Nazirliyi tərəfindən təqdim olunacaq. Qatarda funksional yardımçı - foto, tibb, bank xidmətləri təşkil edilib. Səyyar "ASAN qatar" gözləmə zalı, laboratoriya, xidmət zalı, əməkdaşların istirahət kupeləri olmaqla 4 vaqondan ibarətdir.