ABŞ-ın California ştatının San-Francisco şəhərində Bakı vaxtı ilə saat 21:00-da "Apple" şirkəti yeni modellərini dünya ictimaiyyətinə təqdim edib.

"Apple" şirkətinin rəhbəri Tim Cook 1 milyard iPhone satıldığını ifadə edərək iPhone 7 və iPhone 7 Plus-un təqdimatına başlayıb.

iPhone 7 Plus-un yeni xüsusiyyətlərindən biri cüt kamerasının olmasıdır. Yeni modelin arxa qismində iki kameraya yer verilib. iPhone 7-də isə bir kamera var.

Yeni iPhone yeni rəng seçimi ilə gəlir. iPhone 7-də iki fərqli qara rəng olacaq: Jet Black (parıltılı qara) və qara.

Yeni iPhone bundan əlavə boz, qızıl rəngi və qızıl çəhrayı rəng variantlarını da təqdim edir.

iPhone 7 və iPhone 7 Plus suya və toza dayanıqlılığı ilə seçilir.

Həm iPhone 7-də, həm də iPhone 7 Plus-da optik imic sabitləyiciyə yer verilib. 'Wo tone flash' adı verilən xüsusiyyət sayəsində qaranlıqda iki qat daha çox işıq alınır.

iPhone 7-nin ön kamerası 7 megapixel və HD xüsusiyyətinə sahibdir.

Yeni iPhone arxa kameraları isə 12 megapixel olacaq. iPhone 7 Plus-un iki arxa kamerasından biri şəklin geniş bucaqdan çəkilməsi, digəri isə şəkli böyütmək üçün istifadə edilir.

Cihaz hansı kameradan istifadə edəcəyinə avtomatik olaraq qərar verir.

iPhone 7 və 7 Plus daha mükəmməl görmə qabiliyyətinə malik HD ekrana da sahibdir. Ekran isə bir əvvəlki modelə nisbətən 25 % daha parlaqdır.

iPhone 7 və iPhone 7 Plus ilə bir dövr sona çatıb. Artıq qulaqlıqlar adapter ilə eyni girişdən bağlanacaq.

Eyni zamanda toxunuşa həssas qulaqcıq da tanıdılıb

Bütün Apple cihazlarında çalışa biləcək "AirPods" adlı qulaqcıq birdəfəlik 5 saat müddətdə istifadə edilə bilər

iPhone 7 və iPhone 7 Plus-un ABŞ-da satış qiymətləri də müəyyən olub. iPhone 7 649 dollar, iPhone 7 Plus isə 749 dollardan başlayan qiymətlərlə satışa təqdim ediləcək.

iPhone 7 və iPhone 7 Plus 32 GB, 128 GB və 256 GB yaddaşlı variantları ilə satışdakı yerini alacaq.

Yeni iPhone-lar 9 sentyabrda ön sifarişə çıxacaq. iPhone 7 və iPhone 7 Plus isə 16 sentyabrdan etibarən rəflərdəki yerini alacaq.

iPhone 7 və 7 Plus-un nə qədər batareya saxlayacağı də müəyyən olub.

Yeni iPhone-larda "A10 Fusion" xüsusiyyətinə də yer verilib.

Yeni iPhone modellərinə "stereo speaker" xüsusiyyəti də əlavə olunub.

Yeni xüsusiyyət sayəsində "Home" düyməsini sıxdıqca fərqli reaksiya ala bilmək mümkün olacaq.

Təqdimat sırasında səhnəyə çıxan Apple şirkətinin rəhbəri Tim Cook, App Store-da endirmələrin 140 milyardı keçdiyini bildirib. App Store-da ən çox rəğbət görən qisim oyunlardır. Apple şirkətinin növbəti sürprizi isə Super Mario-dur. Super Mario Apple Store istifadəyə veriləcək. Apple platformalarında oynanan oyun, multiplayer rejimində də oynana biləcək. Oyun 2016-cı ilin sonlarında təqdim ediləcək.

Yeni iPhone modellərindən əvvəl şirkət nümayəndələri, Apple Watch haqqında yeni məlumatlar paylaşıb. Verilən elanda Pokemon GO-nun Apple Watch-da olacağı vurğulanıb.

Təqdimatda yeni nəsil Apple Watch da nümayiş etdirilib. Yeni Apple Watchda 50 metrə qədər su keçirməyən xüsusiyyət olacaq.

"Apple Watch Seriya 2" adlı ağıllı saat ilə üzgüçülük və fitness kateqoriyaya əlavə edilib. "Apple Watch Seriya 2"-də GPS-ə də yer verilib. "Apple Watch Ardıcıl 2"-nin prosessoru bir əvvəlki modelə nisbətən 50 % daha sürətli, ağıllı saatın GPU-su isə 2 qat çox performans təqdim edir.

"Apple Watch Seriya 2"-də keramika variantı da var. Təqdimatda "Apple" yeni "Hermes" qayışlarını da nümayiş etdirib.

Apple və Nike 2-ci nəsil Apple Watch üçün birlikdə hərəkət etməyə razılaşıb. Belə ki, iki şirkətin birlikdə çıxardıqları modelin adı "Apple Watch Nike Plus Yeni nəsil Apple Watch" ABŞ-da 369 dollardan başlayan qiymətlərlə rəflərdəki yerini alacaq.