Sabiq deputat Gülər Əhmədova Həcc ziyarətinə gedib. “Qafqazinfo”nun məlumatına görə, bu barədə Gülər Əhmədova özü informasiya verib.

“Allah arzusunda olan hər kəsə qismət etsin”, - deyə G.Əhmədova bildirib.

Qeyd edək ki, iyulun 12-də Bakı Apelyasiya Məhkəməsində eks-deputat Gülər Əhmədovanın Azərbaycandan çıxmasına qoyulmuş qadağanın götürülməsi barədə vəsatətə baxlıb və onun üç ay müddətinə ölkədən çıxmasına icazə verilib.

Xatırladaq ki, Əhmədova Cinayət Məcəlləsinin dələduzluq, cinayəti bilib xəbər verməmək maddələri ilə ittiham olunub. 2013-cü ildə Bakı Ağır Cinayətlər Məhkəməsinin hökmü ilə o, 3 il azadlıqdan məhrum edilib.

2014-cü il mayın 5-də Bakı Apellyasiya Məhkəməsinin qərarı ilə G.Əhmədovaya verilən həbs 3 il sınaq müddəti təyin olunmaqla, şərti cəza ilə əvəzlənib və o, azadlığa buraxılıb.