Gün ərzində Türkiyədə iki terror aktı törədilib. Əvvəlcə səhər saatlarında Elazığ vilayətində polis şöbəsinə terroristlərin hücumu nəticəsində 3 əsgər şəhid olub, 170 nəfər yaralanııb. İkinci terror hadisəsi isə saat 14:00 radələrində Bitlis rayonunun Hizan qəsəbəsinə bağlı Qayda kəndi yaxınlığında yola basdırılmış partlayıcı qurğunun işə düşməsi nəticəsində baş verib. Həmin ərazidən keçən hərbi maşında olan 3 əsgər şəhid olub, 6 əsgər yaralanıb. Olaydan dərhal sonra terrorçulara qarşı əməliyyat başladılıb. Atışma zamanı bir qoruyucu ölüb, 1 əsgər yaralanıb. Yaralılar Bitlis Dövlət Xəstəxanasına çatdırılıb. Əməliyyat-axtarış tədbirləri davam edir.