Azərbaycanda bir sıra siqaretlərin qiymətlərində 20-40 qəpik civarında artım müşahidə olunur.

Satış məntəqələrindən bunu firmaların siqaretləri baha gətirməsi ilə əlaqələndirirlər. Ümumilikdə əvvəlki satış qiyməti 2 manatdan yuxarı olan siqaretlər 30 qəpik, 2 manatdan aşağı olanlar isə 20 qəpik bahalaşıb.

Xatırladaq ki, keçən ilin dekabrın 21-i Azərbaycanda baş verən devalvasiyadan sonra siqaretlərin qiyməti təqribən 50 faiz bahalaşmışdı.