Əfqanıstanın paytaxtı Kabildə güclü partlayış baş verib.

Kabil şəhərinin polis rəsi Əbdürrəhman Rəhiminin açıqlamalarına görə hadisə yerli vaxtla 01.30 radələrində baş verib. Rəhimi bildirib ki, şəhərin mərkəzində bomba yüklü maşının partladılması nəticəsində 2 polis ölüb, 4 nəfər yaralanıb.

Hadisəni törədən şəxslərdən biri partlayış zamanı, digər ikisi isə daha sonra ölü ələ keçirilib.

Polis rəsmilərinin sözlərinə görə partlayış Taliban qruplaşması tərəfindən həyata keçirilib.