BB səviyyəsi, S&P agentliyinin ölkələrə verilən investisiya edilə bilən reytinq səviyyəsindən iki bənd aşağıda yer alır. Dünyanın əsas reytinq agentliklərindən "Moody's" və "Fitch" də Türkiyənin kredit mreytinqini izləməyə başladıqlarını açıqlayıb. "Moody's" iyulun 20-də "Terk Hava Yolları"nın kredit reytinqini "Ba1" dən "Ba2"-ə endirməklə bərabər 8 iri Türkiyə şirkətinin və 17 bankın kredit reytinqini müşahidəyə götürdüyünü açıqlayıb. "Fitch" beynəlxalq kredit reytinqi şirkəti isə Türkiyənin bank sektorunda yaxın gələcəkdə risklərin arta biləcəyini ehtimal etdiyini bildirib.

Bu gün, iyulun 21-də TRY/USD məzənnəsi 0,6% möhkəmlənərək 3,07 səviyyəsinə geriləyib. Türkiyənin əsas fond birjası indeksi sayılan BİST-100 isə dünənki xəbərlərin mənfi təsiri ilə hazırda 2,5% azalma göstərərək 73 000 səviyyəsinə geriləyib. Beləliklə, BİST-100 bu həftənin 3 iş günü ərzində toplam 12% dəyərsizləşib.

BİST-100 indeksinin 70 000 səviyyəsində investorlar tərəfindən dəstəklənəcəyi proqnozlaşdırılır. TRY/USD məzənnəsinin isə yaxın günlərdə 3,15 səviyyəsinə qədər, ilin sonuna qədər isə 3,30-a çatması ehtimal edilir.