3 İyul 2016
Mətni dəyiş
BBC-nin verdiyi məlumata görə Britaniya paytaxtının mərkəzində ölkənin Aİ üzvlüyündən çıxmasının əleyhdarları etiraz aksiyasına qatılıblar. Yürüş iştirakçıları ümid edirlər ki, parlament ölkənin Avropa İttifaqından çıxmasının qarşısını ala bilər.
"Biz Brexit-in qarşısını ala bilərik. Brexit qərarını yenidən nəzərdən keçirmək üçün parlamenti lazım gələn hər bir vasitə ilə təmin etməliyik ki, o müdrik qərar qəbul etsin. Necə olsa da hakimiyyət xalqa məxsusdur. Laqeydlik göstərməyib təşkilatlansaq vəziyyəti dəyişdirə bilərik”, - yürüş təşkilatçılarının Facebook səhifəsində deyilir.
23 iyunda keçirilən referendumun nəticəsinə görə seçkiyə qatılanların az qala 52 faizi Avropa İttifaqını tərk etməyə səs verib.