İraqın paytaxtı Bağdadda terrorçular növbəti dəfə partlayış törədib.

Hadisə Bağdad şəhərinin şimalında yerləşən və şiələrin çoxluq təşkil etdiyi Əl-Kadimeyn rayonunda baş verib. Kamikadzenin insanların sıx olduğu yerdə bombanı partlatması nəticəsində azı 10 nəfər ölüb, 20 nəfər yaralanıb.

İraq rəsmilərinin açıqlamalarına görə ölü sayısı irəliləyən saatlarda arta bilər.