Britaniyalılar “Meta”nı məhkəməyə veriblər, şirkət 3,2 milyard dollar cərimələnə bilər

Britaniyalılar “Meta”nı məhkəməyə veriblər, şirkət 3,2 milyard dollar cərimələnə bilər
15 Yanvar 2022
Mətni dəyiş
Böyük Britaniya sakinləri ABŞ-ın keçmiş adı “Facebook” olan “Meta Platforms” şirkətinə qarşı məhkəmə iddiası qaldırıblar. Bazar üstünlüyündən sui-istifadə və milyonlarla insanın məlumatlarından icazəsiz istifadəyə görə qaldırılan iddia təmin olunarsa, korporasiya təxminən 3,2 milyard dollar cərimələnə bilər. İddianın təşəbbüskarı Britaniya Maliyyə Davranışına Nəzarət İdarəsinin (FCA) baş məsləhətçisi və antiinhisar hüququ üzrə müəllim Liza Lovdal Qormsen olub. Sənəd artıq Böyük Britaniyanın rəqabət məsələləri üzrə Apellyasiya Məhkəməsi tərəfindən qəbul edilib. Lovdal Qormsen bildirib ki, “Facebook” yarandığı gündən Böyük Britaniyada populyar sosial şəbəkəyə çevrilib. “Meta” bazardakı dominant mövqeyindən sui-istifadə edib və həmçinin Böyük Britaniyada yaşayan istifadəçilərə qarşı ədalətsiz şərtlər tətbiq edib. Bu, şirkətə britaniyalıların şəxsi məlumatlarından istifadə etmək imkanı verib”, - deyə o, əlavə edib.

Bənzər Xəbərlər

Yeniliklərdən xəbərdar olmaq üçün abunə olun