Sabiq MTN generalı Mövlam Şixəliyev məhkəmədə huşunu itirib

Sabiq MTN generalı Mövlam Şixəliyev məhkəmədə huşunu itirib
5 Noyabr 2021
Mətni dəyiş

Ləğv edilmiş Milli Təhlükəsizlik Nazirliyinin (MTN) İstintaq Baş İdarəsinin sabiq rəisi, general Mövlam Şixəliyev bugünkü məhkəmə prosesində huşunu itirib.

Onun vəkili Ceyhun Yusifov bildirib ki, müvəkkilinə təcili yardım göstərildikdən sonra özünə gəlib. Bundan sonra proses təxirə salınıb.

Məhkəmə noyabrın 16-da davam etdiriləcək.

Vəkil bildirib ki, M.Şixəliyevin səhhəti onun həbsdə saxlanılmasına adekvat deyil: “Mövlam Şixəliyev dəfələrlə ürək əməliyyatı keçirib. Həbsdən əvvəl də ürək əməliyyatına hazırlaşırdı. Səmərəli məhkəmə araşdırması üçün onun ev dustaqlığına buraxılması zəruridir”.

Sabiq MTN generalı Mövlam Şixəliyevin mütəşəkkil dəstə halında ümumilikdə 14 milyon 292 min manat məbləğində pul vəsaitini rüşvət qismində, 5 milyon 77 min manat məbləğində özgə əmlakını hədə-qorxu ilə tələb edib almaqda, həmçinin səlahiyyət həddini aşmaqda və sübutları saxtalaşdırmaqda ittiham edilir.

Bənzər Xəbərlər

Yeniliklərdən xəbərdar olmaq üçün abunə olun