Aleksey Navalnı Baş Prokurorluğu və Roskomnadzoru məhkəməyə verdi

Rusiyalı müxalifət lideri Aleksey Navalnı Rusiya Federasiyası Baş Prokurorluğunu və Roskomnadzoru məhkəməyə verib. Moskva Tverskoy Məhkəməsinin veb saytında olan iş kartında belə yazılıb. Bu barədə məlumat ilk dəfə “Açıqlaya bilərik” teleqram kanalının diqqətini çəkib.

Navalnı iddia ərizəsini sentyabrın 11-də yazsa da, məhkəmə onu sentyabrın 13-də qeydiyyata alıb. Siyasətçinin iddiasının nədən ibarət olduğu məlum deyil. Məhkəmə materiallarında “İşin kateqoriyası” bölməsində bunun “dövlət orqanlarının, hərbi komandanlıq və nəzarət orqanlarının qərarlarına, hərəkətlərinə (hərəkətsizliyinə) etiraz edilən bir iş” olduğu bildirilir.

Navalnının təmsilçiləri iddia ərizəsini şərh etməyiblər.

Bu ilin iyul ayında Roskomnadzor Aleksey Navalnının saytı da daxil olmaqla, FBK ilə əlaqəli 40-dan çox mənbəni bloklamağa başlayıb.

Departamentdən bildirilib ki, “adı çəkilən internet resurslar təbliğat və qadağan edilmiş ekstremist fəaliyyətin davam etdirilməsi üçün istifadə edilir”.

Roskomnadzor avqust ayında Baş Prokurorluğun tələbi əsasında “Ağıllı səsvermə” funksiyası olan “Navalnı” tətbiqini, sentyabrda isə “Ağıllı səsvermə” saytını bloklayıb.

Əvvəlki məqaləTelman İsmayılov Avropadakı milyonlarla dəyəri olan mülkünü itirib
Növbəti məqalədəRasim Quliyev: “Qış parkında aparılan tikinti zamanı tarixi binaya ziyan dəyib”