Taliban ABŞ və koalisiya qüvvələrinin Əfqanıstandan tam çıxarılmasından sonra danışıqlar zamanı əldə etmədiklərini güclə almağa hazırdır. Bu barədə məlumat BMT-yə üzv ölkələrin kəşfiyyat məlumatlarına əsaslanan yeni hesabatında yer alıb. BMT-nin Əfqanıstandakı Sanksiyaları Monitorinq Qrupunun hesabatında deyilir ki, Taliban hələ də texniki cəhətdən ABŞ-la keçənilki razılaşma şərtlərinə uyğun hərəkət etsə də, ölkənin təxminən yarısının rayon mərkəzlərinin nəzarətini ələ alaraq, hakimiyyətə təzyiqləri artırıb və şəhərdən kənar ərazilərin 70% -nə qədərinə ya nəzarət edir, və ya nəzarət etməyə çalışır. Buna görə də BMT-yə üzvü dövlətlərin kəşfiyyat agentlikləri bunun yalnız başlanğıc ola biləcəyinə dair xəbərdarlıq edib. "Talibanın ritorikası və bahar mövsümü döyüşləri üçün aktiv hazırlıqlarına dair xəbərlər qrupun bahar hücumlarını elan edib-etməyəcəyindən asılı olmayaraq, 2021-ci il üçün hərbi əməliyyatlarını artıracağını işarədir" - deyə, BMT-nin hesabatında bildirilib. Kəşfiyyat məlumatlarında Taliban komandirlərinin əsas şəhərlər ətrafında qüvvələrini səfərbər etdiyi, xarici qüvvələrin ölkəni tərk etməsindən sonra effektiv cavab olmayacağına görə gələcək hərbi əməliyyatlar bölgüsü strategiyasının bir hissəsi olaraq, hücumlara hazır olacağı deyilir. Birləşmiş Millətlər Təşkilatının hesabatında ABŞ razılaşmanın tələb etdiyi kimi Talibanın Əl-Qaidə terror qrupu ilə əlaqəsini kəsdiyinə dair dəlillərin az olduğu barədə xəbərdarlıq edilir. Əksinə, kəşfiyyat Talibanla Əl-Qaidə arasındakı əlaqəni "artıq ikinci nəsil əlaqələri yolu ilə möhkəmlənmiş fərdi evlilik bağları və mübarizədəki ortaqlıq nəticəsində daha da böyüdüyünü" göstərib. Hesabatda "(Əl-Qaidə) üzvləri potensial ifşa və hədəf almamaq üçün Taliban tərəfindən daha uzaq bölgələrə köçürülüb" deyilir. Hesabatda həm əsas qrupun, həm də Əl-Qaidənin Hindistan Yarımadası (AQIS) filialının 500-ə qədər üzvünün azı 15 əyalətdə yaşadığı bildirilir. Hesabatda iki qrup arasındakı əlaqənin də davam etdiyi deyilir, baxmayaraq ki, Əl-Qaidə Doha razılaşmasında Talibanın diplomatik mövqeyini təhlükə altına almamaq üçün qrupun rəhbərliyi ilə əlaqələri minimuma endirib. Taliban Birləşmiş Millətlər Təşkilatının aşkar etdiyi bütün məlumatları təkzib edib. "Təəssüf ki, bu hesabat düşmənin kəşfiyyat orqanlarının yalan məlumatları əsasında tərtib edilib" - deyə, Taliban sözçüsü Zabihullah Mücahid bildirib. ABŞ rəsmiləri cümə axşamı hesabatı qəbul edib. Lakin onlar Əfqanıstanda "ədalətli və davamlı" bir sülhün əldə olunmasının yeganə yolunun davam edən danışıqlar olduğunu vurğulayıb. Birləşmiş Millətlər Təşkilatının hesabatı ABŞ ordusunun Əfqanıstandan 30% -dən 44% -ə qədərinin çıxarıldığını və çıxarılma sürətinin artdığını elan etməsindən bir neçə gün sonra açıqlanıb.