Azərbaycanda benzinin qiyməti qalxıb
2 İyun 2021
Mətni dəyiş
Azərbaycanda bu gündən benzinin qiyməti artırılıb.
Məlumata görə, Aİ-95 markalı premium benzin bahalaşaraq, 1 manat 40 qəpik, Aİ-98 markalı super benzin isə bahalaşaraq, 1 manat 55 qəpik olub.
SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib ki, buna səbəb dünya birjalarındakı qiymət artımları ilə bağlıdır:
“Aİ-95 və Aİ-98 xaricdən alınır. Ona görə də qiymətlər dünya bazarlarındakı neft qiymətlərilə tənzimlənir. Neft ucuzlaşanda bizdə də Aİ-95, Aİ-98 ucuzlaşır, bahalaşanda bahalaşır. Pandemiyadan əvvəl Aİ-95-in qiyməti 1 manat 50 qəpik olub, neft ucuzlaşdıqca hətta 1 manat 10 qəpiyə qədər ucuzlaşmışdı”.
İ.Əhmədov deyib ki, bu marka benzin Azərbaycanda çox az istifadə edilir:
“Ən çox istifadə edilən Aİ-92 və dizeldir ki, onların da qiyməti stabil olaraq qalır. Bu yanacaq növlərinin qiyməti də dövlət tərəfindən tənzimlənir”.
Qeyd edək ki, artıma qədər Aİ-95 markalı benzin 1.25 qəpik, Aİ-98 markalı benzin isə 1.40 manat idi.
Xatırladaq ki, Azərbaycanda Aİ-95və Aİ-98 markalı benzinlərin qiymətini Tarif Şurası deyil, Azərbaycan Respublikası Dövlət Neft Şirkəti (SOCAR) tənzimləyir. Bu markadan olan benzini ölkəyə SOCAR idxal etdiyindən, qiymətləri də özü müəyyənləşdirir.
Paylaş:
