Baş Prokuror: "Bərdə cinayəti birbaşa Ermənistanın hərbi-siyasi rəhbərliyinin tapşırığı ilə törədilib"

Baş Prokuror: "Bərdə cinayəti birbaşa Ermənistanın hərbi-siyasi rəhbərliyinin tapşırığı ilə törədilib"
29 Oktyabr 2020
Mətni dəyiş

“Erməsitan silahlı qüvvələrinin Bərdəni raket atəşinə tutması ilə bağlı tərəfimizdən cinayət işi başlanılıb”.

Bunu Azərbaycanın Baş prokuroru Kamran Əliyev Bərdədə hadisə yerində jurnalistlərə açıqlamasında deyib.

Onun sözlərinə görə, dünəndən istintaq-əməliyyat qrupu Bərdə şəhərində işləyir və zəruri olan bütün sübutlar toplanılır. Kamran Əliyev deyib ki, Azərbaycan xalqına qarşı növbəti cinayət törədilib. Tam məsuliyyətimlə deyirəm ki, bu cinayət birbaşa olaraq Ermənistanın hərbi-siyasi rəhbərliyi tərəfindən törədilib”.

Onun sözlərinə görə, bu cinayət birbaşa olaraq Ermənistanın hərbi-siyasi rəhbərliyinin tapşırığı ilə törədilib:

“Bir daha tam məsuliyyətimlə deyirəm ki, bu, Azərbaycanın döyüşdəki tam uğurları ilə bağlıdır. Azərbaycan Ordusu cəbhədə irəlilədikcə, erməni silahlı birləşmələrinə zərbələr endirdikcə, daim Ermənistanın siyasi rəhbərliyi tərəfindən bu kimi göstərişlər verilir. Bununla bağlı tərəfimizdən cinayət işi başlanılıb. Dünəndən istintaq-əməliyyat qrupu Bərdə şəhərində işləyir və zəruri olan bütün sübutlar toplanılır. Tarixdə heç bir vaxt bu kimi cinayətləri törədənlər məsuliyyətdən qaça bilməyiblər və qaça da bilməyəcəklər”.

Bənzər Xəbərlər

Yeniliklərdən xəbərdar olmaq üçün abunə olun