Bill Geyts və masonların kirli oyunları haqqında: Karantindən sonra nə olacaq?

Bill Geyts və masonların kirli oyunları haqqında: Karantindən sonra nə olacaq?
3 Aprel 2020
Mətni dəyiş

Dövrü elmi ədəbiyyatı yaxşı izləsəm də, türk və rus BİLİM ADAMLARINI yaxşı izləmirəm. Bir az əvvəl Bill Geytsin TEdx-də çıxışını izlədim. Adam bir sonrakı virus epidemiyasına hazır deyilik deyir.

Mənə göndərilən videoya yazılan şərhdən belə başa düşdüm ki, Bill Geyts və ona bağlı milyarderlər lazımsız saydıqları milyardlarca insanı qırmaq planı qurublar və indi bunu həyata keçirməklə məşğuldurlar.

Vallah, bundan 25 il əvvəl belə nağılları yenə dinləyə bilərdim, amma indi ali məktəb imtahanlarına övlad hazırlayan atayam.... Kam onnnnn!!!!

Qardaş, bir dəfə başınızı nağıllardan qaldırıb elmi ədəbiyyat oxuyun.

Elmi ədəbiyyat illərdir bir KORONAVİRUS epidemiyasının olacağını yazırdı - siz oxumamısınızsa, öz günahınızdır. Britaniya Kral Akademiyasının (Royal Institution) düz bri əvvəl gözəl bir mühazirəsi var idi. İndi baş verənləri tək-tək danışmışdı orada alimlər. Bu necə fərsiz masonlardır ki, edəcəklərini bir il əvvəl internetə yerləşdiriblər?

Elmi ədəbiyyatı təqib edən biri kimi sizə gələcəkdə....öz də yaxın gələcəkdə insanları ən azı yüz minlərlə qıran fəlakətlər haqqında belə məlumat verim.

Yoluxucu xəstəliklər.

Gələcəkdə öldürücü vərəm epidemiyası gözlənilir. Alimlər onillərdir buna çarə axtarırlar. Amma çarə hələ ki yoxdur.

Virus infeksiyaları. Artıq bənzərini yaşayırıq.

Adi bakteriyalar. Bəli, təbabətdə artıq başqa antibiotik qalmadı. Keçən ilin aprelində urologiya dərnəyi biz uroloqlara bəzi antibiotikləri istifadə etməyi qadağan etdi. Çarəsizlikdən. Çünki əldə başqa antibiotik qalmayıb. İnsanlıq yaxın gələcəkdə adi tonzillitdən ölə bilər. Yeni antibiotiklərə dəhşətli pul lazımdır, amma ağıllı və populist siyasətçilər bu araşdırmalara pul vermək istəmirlər. Çünki parlamentə ancaq qanunları yaxşı bilən hüquqşünaslar seçilməlidir deyən populistlər var.

Ekoloji problemlər.

Yaxın gələcəkdə insanlığın həyatını hədələyən əsasən ekoloji faktorlar olacaq. Başda hava kirliliyi gəlir. Bu gün belə səs və işıq kirliliyindən elə bizim Azərbaycanda sonsuzluq xeyli yayılıb. Dədə-babalarınız kimi zil qaranlıqda yatmırsınız və pəncərələrinizin rezinləri də kitayskidir deyə çöldəki səsləri eşidirsiniz - gecə vaxtı belə. Bunlar isə keyfiyyətli yuxuya mane olur. Qalanı sonra gəlir.

Meşələri kürüyüb meyvə bağları salırsınız. Bunun uzaq deyil, yaxın gələcəkdə içdiyiniz suda necə təsir buraxdığını isə düşünmürsünüz. Badam bağları yerinə Badam villaları saldıq. Qum fırtınalarına hazır olun.

Su problemi. yaxın gələcəkdə ən böyük problemlərdən biri içməli su olacaq. Sonra suvarmaq üçün də su tapa bilməyəcəyik. Günahkarı da indi masonaların işi oldiuğunu düşündüyünüz qlobal istiləşmədir.

Ağlın yolu birdir. Elm isə ağlın zirvəsidir. Qalan hər şey isə.....boş-boş söhbətlərdir.

Karantin bitəndən sonra yaxşıca oturub...içməyəcəyik.....papağımızı qabağımıza qoyub yaxşı-yaxşı düşünəcəyik.

Vasif İsmayıl

Bənzər Xəbərlər

Yeniliklərdən xəbərdar olmaq üçün abunə olun