Məhkəmə jurnalistin həbs müddətini daha dörd ay artırıb

Məhkəmə jurnalistin həbs müddətini daha dörd ay artırıb
7 Oktyabr 2019
Mətni dəyiş

Oktyabrın 5-də Səbail rayon Məhkəməsi hakim Aytən Əliyevanın sədrliyi ilə Dövlət Təhlükəsizliyi Xidmətinin müraciəti əsasında jurnalist Polad Aslanov barəsində həbs qətimkan tədbirinin müddətini daha dörd ay, 2020-ci il fevralın 12-dək uzadıb. 

Bu barədə Amerikanın Səsinə jurnalistin həyat yoldaşı Gülmirə Aslanova bildirib. Məlumata görə, məhkəmə qapalı rejimdə keçirilib.

Xeberman.com saytının redaktoru Polad Aslanov iyunun 12-də saxlanılıb, növbəti gün məhkəmə onun barəsində 4 ay həbs qətimkan tədbiri seçib.

Aslanova qarşı Cinayət Məcəlləsinin 274-cü (dövlətə xəyanət) maddəsi ilə ittiham irəli sürülüb. İstintaq Dövlət Təhlükəsizliyi Xidməti tərəfindən aparılır. Jurnalist ittihamı qəbul etmir, sifariş hesab edir.

Yerli və beynəlxalq təşkilatlar Aslanovun cinayət təqibini pisləyir, onun həbsinin əsl səbəbinin jurnalist fəaliyyəti olduğunu hesab edir.

Bənzər Xəbərlər

Yeniliklərdən xəbərdar olmaq üçün abunə olun