Qubada 40 hektara yaxın meşə ərazisi yanıb

Qubada 40 hektara yaxın meşə ərazisi yanıb
20 Avqust 2019
Mətni dəyiş
Ötən gün səhər saatlarında Şabran rayonunun dağlıq ərazilərindən başlayan yanğın Qubanın Zərqava kəndininin ərazisinədək uzanıb. Oxu.Az-ın bölgə müxbiri xəbər verir ki, alovu ram etmək hələ mümkün olmayıb. Zərqava inzibati ərazi dairəsi üzrə nümayəndəlikdən verilən məlumata görə, 40 hektara yaxın ərazidə kol-kos və ağaclar yanıb. Yanğın bələdiyyə mülkiyyətində olan torpaqlarda baş verib. Dünən səhər saatlarından etibarən ərazidə Fövqəladə Hallar Nazirliyinin Yanğından Mühafizə Xidmətinin regional bölməsinin yanğınsöndürən avtomobilləri və canlı qüvvələri, eləcə də Quba Rayon İcra Hakimiyyətinin, Quba Rayon Polis Şöbəsinin əməkdaşları və yerli sakinlər yanğının söndürülməsində iştirak edirlər. Ərazi dağlıq relyefə malik olduğundan, həmçinin hava şəraitinin küləkli olması alovun ram edilməsində çətinliklər yaradır.

Bənzər Xəbərlər

Yeniliklərdən xəbərdar olmaq üçün abunə olun