Amnesty: 'Azərbaycan QHT-lərə hücum edən ölkələr sırasındadır'

Amnesty: 'Azərbaycan QHT-lərə hücum edən ölkələr sırasındadır'
23 Fevral 2019
Mətni dəyiş

Ötən il bir çox hökumət məhdudlaşdırıcı qanunlar tətbiq etməklə, bürokratik əngəllər və həbs təhlükəsi yaratmaqla QHT-lərə hücumları artırıb.

Bu barədə "Amnesty International" beynəlxalq hüquq-müdafiə təşkilatının "Susmağa məcbur etmək üçün hazırlanan qanunlar" adlı yeni hesabatında bildirilir.

Turan-ın məlumatına görə, hesabatda Azərbaycan QHT-lərin hüquqlarının pozulduğu ölkələr sırasına daxil edilib.

"Azərbaycan, Çin, Rusiya kimi ölkələrdə QHT-lərin qeydiyyatı və hesabatlılığı ilə bağlı tələblər hazırlanıb. Həmin tələblərə əməl etməməyin cəzası həbsdir. Hüquq müdafiəçisi Rəsul Cəfərov bunun nə olduğunu yaxşı bilir", - sənəddə deyilir.

"İnsan Hüquqları Klubunda fəaliyyətimə, nümayişlərdə iştirakıma görə məni həbs etdilər", - bir il yarım həbsxanada qaldıqdan sonra 2016-cı ilin martında azadlığa buraxılmış R.Cəfərov deyib.

"Həbs olunanlar təşkilatı bağlamağa, layihələri dayandırmağa və xaricə getməyə məcbur oldular", - R.Cəfərov bildirib.

Azərbaycan hakimiyyəti vətəndaş cəmiyyəti institutlarının fəaliyyətinin məhdudlaşdırılması ilə bağlı ittihamları qəbul etmir.

Bənzər Xəbərlər

Yeniliklərdən xəbərdar olmaq üçün abunə olun