Günün birinci yarısı Qaradağ rayonunda "Sədərək" ticarət mərkəzinin ərazisində baş verən yanğında ölən və zədələnən olmayıb.

Fövqəladə Hallar Nazirliyi yanğının saat 12:28 radələrində yanğınsöndürənlər tərəfindən söndürüldüyünu bildirib.

Nazirliyin məlumatında bildirilib ki, yanğının söndürülməsi üçün Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri cəlb olunub.