'Merkel Azərbaycan xalqının mənafeyini enerji maraqlarına qurban verməməlidir'' Avqustun 22-də azərbaycanlı fəallar Almaniyanın paytaxtı Berlində kansler Anqela Merkelin iqamətgahı qarşısında aksiya keçiriblər. Aksiya etmələrinə səbəb A. Merkelin regiona, o cümlədən Azərbaycana səfəri olub. Tədbirdə kanslerdən Azərbaycanın dövlət başçısı İlham Əliyevlə görüşəndə insan haqları və siyasi motivlərlə həbs edilənlərin azadlığa buraxılması mövzusunu diqqətdə saxlaması istənilib: "Azərbaycanda mətbuat da azad deyil. Bu mövzu da müzakirə edilməlidir. Anqela Merkel Azərbaycan xalqının mənafeyini enerji maraqlarına qurban verməməlidir”.