“Dünən gecə Hollandiyadan deportasiya qərarı verilmiş Fikrət adlı azərbaycanlı müvəqqəti yaşadığı kampda qollarını kəsərək intihar edib”.

Bu barədə “facebook”da Orxan Məmməd adlı ictimai fəal məlumat yayıb. O bildirib ki, polislər Fikrəti Azərbaycana göndərmək üçün gəlib, lakin həmin şəxs qayıtmaq istəməyib: “Bir neçə günə cənazəsi göndəriləcək. Bu son vaxtlar artıq neçənci belə hadisədir. Adamları gətirənlər elə ümid verir ki, oturum alacaqlarından yüz faiz əmin olurlar. Rəqəmlər və faktlar isə təmiz fərqlidir. Bu ilin ilk 3 ayı ərzində Almaniyaya sığınmış 1564 nəfər azərbaycanlıdan cəmi 121-i müsbət cavab alıb. Miqrantlarla bağlı qanunlar son 2 ildə çox sərtləşib. Heç 15 nəfərdən birinə vermirlər”.