Emin Aslana 30 sutka həbs verilib

Dünən – iyunun 4-də saat 17.00 radələrində oğurlanan hüquqşünas Enim Aslanovun yeri bu gün axşamüstü bəlli olub.

Gəncin DİN-in Mütəşəkkil Cinayətkarlığa qarşı Mübarizə İdarəsində saxlandığı bildirilib. Onun vəkili Elçin Sadıqov bildirib ki, Nərimanov Rayon Məhkəməsi Emin Aslanov barəsində İXM-nin 535.1-ci maddəsi ilə inzibati materiala baxıb və ona 30 sutka inzibati həbs tənbeh növündə cəza təyin edib. Prosesə hakim Rəşad Abdulov sədrlik edib.