VI Qlobal Bakı Forumu başlayıb

VI Qlobal Bakı Forumu başlayıb
15 Mart 2018
Mətni dəyiş

Bakıda “İnklüziv cəmiyyətlərin qurulması üçün fərqliliklərin aradan qaldırılması” mövzusunda VI Qlobal Bakı Forumu başlayıb.

VI Qlobal Bakı Forumunun açılış mərasimində Azərbaycan prezidenti İlham Əliyev çıxış edib.

Mərasimdə Nizami Gəncəvi Beynəlxalq Mərkəzinin (NGBM) həmsədri, Dünya Bankının sabiq vitse-prezidenti (1992-2000 İsmayıl Səragəldin, Türkiyənin baş naziri Bineli Yıldırım da çıxış edəcək, İtaliya prezidenti Sergio Mattarella, Böyük Britaniyanın baş naziri Theresa May, Rumıniyanın baş naziri Viorica Dancila, Roma Papası Francis və BMT baş katibi Antonio Guterres-in Foruma ünvanlanan müraciətləri oxunacaq.

NGBM həmsədri, Latviyanın sabiq prezidenti (1999-2007) Vaira Vike-Freiberga-nın çıxışı ilə VI Qlobal Bakı Forumunun açılış mərasimi başa çatacaq.

Üç gün davam edəcək VI Qlobal Bakı Forumu çərçivəsində “Güc anlayışı: böyük güclər və digərləri”, “Meydana çıxan yeni güclər”, “Çoxluqlar azlıqlara qarşı”, “Regional təhlükəsizlik, regional sülh: Orta Şərq”, “Balkan regionunun indiki və gələcək vəziyyəti: regional təhlükəsizliyin təməli və ya yeni geosiyasi şahmat lövhəsi?”, “Çinin xarici siyasətini necə başa düşmək olar”, “Kapitalizm: İqtisadi inkişaf ətraf mühitin deqradasiyasına ziddir?”, “İnternetin üstünlükləri və yaratdığı çətinliklər”, “Nəsillər arasındakı boşluqlar: Gənclər danışır, biz dinləyirik”, “Elm və siyasət” və “Dini/mədəni müxtəliflik-siyasi liderlik üçün hansının rolu daha önəmlidir?” mövzularında panellər keçiriləcək.

Forumun işində Albaniya prezidenti Ilir Meta, Makedoniya prezidenti Gjorge İvanov, Moldova prezidenti İgor Dodon, Bosniya və Herseqovinanın Rəyasət Heyətinin üzvü Mladen İvanic, Türkiyəni baş naziri Binəli Yıldırım, xarici işlər naziri Mevlüt Çavuşoğlu, xarici işlər nazirinin müavini Ahmet Yıldız, Fələstin baş nazirinin müavini Ziad Abu Amr, Bosniya və Herseqovina hökumət başçısının müavini Mirko Sarovic, Rumıniya baş nazirinin müavini Ana Birchall da daxil olmaqla, 10-dan çox ölkənin prezidenti, baş naziri və xarici işlər nazirləri iştirak edir. Eyni zamanda, tədbirdə Nizami Gəncəvi Beynəlxalq Mərkəzinin üzvü olan sabiq ölkə və hökumət başçıları, beynəlxalq təşkilatların rəhbərləri, tanınmış ictimai və siyasi xadimlərin, alimlərin də daxil olduğu 500 nəfərə yaxın qonaq iştirak edir.

Bənzər Xəbərlər

Yeniliklərdən xəbərdar olmaq üçün abunə olun