"Neftçi"ni Avroliqaya çıxartmış tanınmış məşqçi vəfat edib

"Neftçi"ni Avroliqaya çıxartmış tanınmış məşqçi vəfat edib
16 Mart 2018
Mətni dəyiş

“Neftçi” klubunun sabiq baş məşqçisi Böyükağa Hacıyev vəfat edib.

Ağır xəstəlikdən əziyyət çəkən mütəxəssis bu gün dünyasını dəyişib.

Fevralın 7-də infarkt keçirən və Mərkəzi Klinik Xəstəxanada ürəyindən əməliyyat olunan Hacıyevın durumu get-gedə pisləşirdi. “Ağ-qaralar”ı Avropa Liqasının qrup mərhələsinə çıxararaq, Azərbaycan futbolunda ilkə imza atmış mütəxəssis daha sonra “Medical Plaza”ya köçürülmüşdü.

Ürəyinin fəaliyyəti getdikcə zəifləyən və beynində şiş olan Böyükağa Hacıyev bu gün vəfat edib. Məlumatı təsdiqləyən oğlu Yusif Hacıyev atasının yarım saat əvvəl keçindiyini bildirib: "Atam xəstəxanada dünyasını dəyişdi. Keşlə qəbiristanlığında dəfn olunacaq. Yəqin ki, bu gün dəfn edəcəyik".

Bənzər Xəbərlər

Yeniliklərdən xəbərdar olmaq üçün abunə olun