Kiyevdə Ali Radanın deputatı, Ukraynanın Milli Qəhrəmanı Nadejda Savchenko  parlamentin içində həbs edilib və UTX-ə aparılıb.

Ukrayna mətbuatının məlumatına görə, Ali Rada onun deputat toxunulmazlığını götürərək həbsinə icazə verib.

Savchenko Vətənə xəyanətdə və parlamentə qarşı  “terror” hücumu planlaşdırmaqda ittiham edilir.

Martın 15-də baş prokuror Yuriy Lutsenko iddia edib ki, Savchenko parlamentin tavanını minaatanla dağıtmağı, sağ qalan deputatları isə silahla öldürməyi planlaşdırıb.

Savchenko terror hücumları planlaşdırması, Rusiyayla bağlı olması barədə deyilənləri təkzib edib.