Gürcüstanın XİN rəhbəri: "Azərbaycan strateji tərəfdaşımızdır"

Gürcüstanın XİN rəhbəri: "Azərbaycan strateji tərəfdaşımızdır"
3 Fevral 2018
Mətni dəyiş
“Türkiyə və Azərbaycan Gürcüstan üçün çox vacib ölkələrdir”.

Bunu Gürcüstanın xarici işlər naziri Mixeil Canelidze yerli İctimai televiziya kanalında yayımlanan “Həftənin müsahibəsi” verilişində deyib.

O bildirib ki, hər iki ölkə Gürcüstanın strateji tərəfdaşıdır: “Biz regional və çox əhəmiyyətli layihələr həyata keçiririk və əməkdaşlığımız yalnız üç ölkəni deyil, bütün region və Avropanı əhatə edir”.

M. Canelidze Gürcüstanın Azərbaycanla çoxtərəfli formatda əməkdaşlıq etdiyini vurğulayıb: “Biz “Şərq tərəfdaşlığı” proqramında iştirak edirik və demokratik institutlar və Avropa ilə münasibətlər üzrə çalışırıq”.

XİN başçısı qeyd edib ki, Gürcüstan qonşu, dost və tərəfdaş ölkələrdəki daxili siyasi proseslərin qiymətləndirilməsində iştirak etməli deyil.

Bənzər Xəbərlər

Yeniliklərdən xəbərdar olmaq üçün abunə olun