Avropa Məhkəməsi Rusiya etirazçılarına haqq qazandırır

Avropa Məhkəməsi Rusiya etirazçılarına haqq qazandırır
31 Yanvar 2018
Mətni dəyiş

Avropa İnsan Haqları Məhkəməsinin (AİHM) hökmündə deyilir ki, Rusiya, prezident Vladimir Putinin son inaqurasiyası ərəfəsində etiraz aksiyası keçirdiklərinə görə məhbus edilmiş üç nəfərin hüquqlarını pozub.

AİHM-in 30 yanvar tarixli qərarında qeyd olunur ki, Rusiyanın hakimiyyət orqanları Andrey Barabanov, Aleksey Polixoviç və Stepan Zimini 2012-ci ilin 6 mayında Moskvanın Bolotnaya meydanında keşirdikləri etiraz aksiyasına görə həbs və mühakinə etməklə onların hüquqlarını pozub.

Məhkəmənin qərarında, Rusiyadan, Polixoviç və Ziminə, hər birinə 12, 500 avro, Barabanova isə 10 min avro təzminat ödənməsi tələb edilir.

Beləliklə, AİHM fəalların Rusiya hakimiyyətinin Avropa İnsan Haqları Konvensiyasını pozduğuna dair iddiasını təmin edib. Bu Konvensiya işgəncələri qadağan edir və insanların azadlıq, təhlükəsizlik, toplaşma sərbəstliyi kimi hüquqlarını tanıyır.

2012-ci ildə polislə etirazçılar arasında baş vermiş toqquşmada 400 nəfər saxlanmışdı. Polis və etirazçılar zorakılığa görə bir-birlərini ittiham edirdilər.

Bu etirazlar 2011-ci ilin dekabrında keçirilmiş seçkidə yol verilmiş geniş pozuntulardan, habelə Putinin 4 il baş nazir olduqdan sonra prezidentliyə qayıtmaq niyyətindən yaranmış hiddətə görə baş vermişdi.

Etirazçılardan 30 nəfəri mühakimə edilmiş və bunların 20 nəfəri həbsxana cəzalarına məhkum olunmuşdu.

Bənzər Xəbərlər

Yeniliklərdən xəbərdar olmaq üçün abunə olun