Əfqan Muxtarlını oğurlayanlardan birinin kimliyi məlum olub

Əfqan Muxtarlını oğurlayanlardan birinin kimliyi məlum olub
4 Avqust 2017
Mətni dəyiş

Həbsdə olan jurnalist Əfqan Muxtarlının işində irəliləyiş olub.

Vəkil Nemət Kərimlinin verdiyi məlumata görə, mayın 29-da Tbilisidə jurnalisti oğrayanlardan birinin kimliyi artıq məlumdur.

“Əfqan Muxtarlının Azərbaycandakı və Gürcüstandakı vəkilləri, eləcə də jurnalistlərin apardığı araşdırma nəticəsində Əfqan Muxtarlının oğurlanmasında iştirak edən 4 nəfərdən birinin kimliyi artıq məlum olub. Onun adı, soyadı, kimliyi müəyyənləşdirilib. Həmin şəxsin əlamətləri ilə Əfqan Muxtarlının özünün təsvir etdiyi əlamətlər üst-üstə düşür. Kiçik bir dəqiqləşmədən sonra onun kimliyi açıqlanacaq”, – Nemət Kərimli bildirib.

Əfqan Muxtarlı dövlət sərhəddini qanunsuz keçməkdə, sərhədçiyə xəsarət yetirməkdə, sərhəddən deklorasiya olunmamış pul keçirməkdə ittiham olunur. Əgər Əfqan Muxtarlının Tbilisidə oğurlandığı sübuta yetərsə, bu, ona qarşı ittihamların alt-üst olması deməkdir.

Gürcüstan Prokurorluğu Əfqan Muxtarlı işinin istintaqını öz üzərinə götürüb. Bundan əvvəl istintaqın aparıldığı kriminal polisin və əks-kəşfiyyat idarəsinin rəisləri istintaq başa çatanadək istefaya göndərilib.

Bənzər Xəbərlər

Yeniliklərdən xəbərdar olmaq üçün abunə olun