"Trump haqda heç nə eşitmək istəmirəm" - Emin Ağalarov

"Trump haqda heç nə eşitmək istəmirəm" - Emin Ağalarov
24 İyul 2017
Mətni dəyiş

Emin Ağalarov Yurmalada keçiriləcək festivalda iştirak etmək üçün Latviyaya səfər edib.

Oğul Donald Trump-ın rusiyalı hüquqşünas Natalya Veselnitska ilə görüşündə əsas fiqurlardan sayılan müğənni Emin Ağalarova, ABŞ-ın hazırkı prezidentinin oğluna prezidentliyə namizəd Hillary Clinton-la bağlı məlumatların verilməli olduğu güman edilən görüş barədə bir neçə sual verilib.

"Trump barədə heç bir sual eşitmək istəmirəm. Mən bura müğənni kimi gəlmişəm. Mənim bu axşamkı şou-konsertimə gəlin", - deyə Crocus Group Rusiya şirkətinin sahibinin oğlu Emin Ağalarov oğul Donald Trump-a görüş zamanı məhz hansı informasiya verməyə cəhd edildiyi ilə bağlı sualın cavabında bildirib.

Emin Ağalarov, həmçinin kiçik Trump tərəfindən açıqlanan yazışmaların da həqiqi olmadığını söyləyən vəkilinin sözlərinə də şərh verməyib.

Emin Ağalarov hüquqşünasın özünə müraciət etməyi tövsiyyə edib.

Müğənni Rusiyanın ABŞ seçkilərinə mümkün müdaxiləsi barədə suallara da cavab verməyib.

Oğul Donald Trump-ın Twitter-də paylaşdığı yazışmalara görə, Emin Ağalarov Trump ailəsiylə Hillary Clinton-la bağlı məlumatları hazırkı ABŞ prezidentinin seçkiqabağı komandasına təqdim edəcək Rusiya tərəfi ilə əlaqənin təşəbbüskarı ola bilərdi.

Trump ailəsi Ağalarovlar ailəsiylə Moskvada keçirilən "Dünya Gözəli-2013" müsabiqəsindən tanışdırlar. Bu tanışlığa görə oğul Trump-ın Ağalarovun təklifi ilə maraqlanacağı iddia olunub.

Yazışmalara əsasən, Ağalarovların Hillary Clinton-la bağlı məlumatları ola bilərdi, lakin görüş zamanı bu məlumatların müzakirə edilmədiyini iddia olunub.

Yurmalaya səyahət

Emin Ağalarov tez-tez Yurmalaya qonaq kimi gəlir: O, "Layma.Randevu.Yurmala" və "Novaya volna" (müsabiqədən kənar proqramlar) festivallarında iştirak edib.

Hər iki tədbir ənənəvi olaraq təkcə şou-biznes ulduzlarını deyil, həm də iri sahibkarları Latviyanın bu kurort şəhərinə cəlb edib.

Müxtəlif illərdə bura gələn məhşurlar arasında Roman Abramoviç, Alişir Usmanov, Rinat Ahmedov və Pyotr Aven da olub.

Oğul Donald Trump da Latviyanı ziyarət edib. O, 2012-ci ildə Baltic International Bank-ın baş səhmdarı Valeriy Belekonun təklifi ilə Riqaya gəlib.

"Otkritiy qorod" jurnalına müsahibə verən oğul Trump-ın Latviyada onu cəlb edən məsələnin ailə biznesi və nəsillərin əlaqəsi barədə danışmaq imkanı olub. O, burada hasısa konkret sövdələşmə imzalamaq niyyətində olmasa da, bəzi məsələləri müzakirə edib.

Baltic International Bank Latviyadan kənar müştərilərlə çalışması ilə məhşurdur.

Valeriy Belekon öz növbəsində Böyük Britaniyanın "Blackpool" futbool klubunun həmsədridir və klubun nəzarət paketinə sahib olan Oyston ailəsi ilə məhkəmədə mübarizə aparır.

Bənzər Xəbərlər

Yeniliklərdən xəbərdar olmaq üçün abunə olun