Kristian Vigenin: "Qarabağ münaqişəsində növbəti qurbanların qarşısını almaq lazımdır"

Kristian Vigenin: "Qarabağ münaqişəsində növbəti qurbanların qarşısını almaq lazımdır"
5 İyul 2017
Mətni dəyiş
"Füzuli rayonu Alxanlı kəndinin atəşə tutulması nəticəsində mülki vətəndaşların ölməsi Dağlıq Qarabağ münaqişəsinin həlli üçün aktivliyin nə qədər əhəmiyyətli olduğunu göstərir. Növbəti qurbanların qarşısını almaq lazımdır". Bunu ATƏT-in Parlament Assambleyasının Cənubi Qafqaz üzrə xüsusi nümayəndəsi Kristian Vigenin Minskdə ATƏT PA-nın sessiyasında deyib. O, Alxanlı kəndinin atəşə tutulması nəticəsində həyatını itirənlərin qohumlarına başsağlığı verib. K.Vigenin ATƏT PA-nın parlamentarilərinin Ermənistan-Azərbaycan, Dağlıq Qarabağ münaqişəsinin həllinə töhfə verə biləcəyini qeyd edib. ATƏT PA-nın xüsusi nümayəndəsi xatırladıb ki, bu yaxınlarda bu münaqişənin həlli ilə bağlı Vyanada bir sıra, o cümlədən də ATƏT-in Minsk qrupunun həmsədrləri ilə görüşlər keçirib və vasitəçilərlə danışıqlar prosesinin gedişatı barədə məlumat mübadiləsi üzrə razılıq əldə olunub.

Bənzər Xəbərlər

Yeniliklərdən xəbərdar olmaq üçün abunə olun