ABŞ-da yerləşən Jurnalistləri Müdafiə Komitəsi Azərbaycan hakimiyyətini 30 gün müddətinə həbs olunmuş jurnalist Nicat Əmiraslanovu dərhal azad etməyə çağırıb.

JMK-nin bəyanatında jurnalistlərin təqibinə və uydurma ittihamlarla həbsinə son qoymaq çağırışı yer alır.

Xatırladaq ki, Qazax rayonunda yaşayan jurnalist polisə müqavimət göstərməkdə ittiham olunub və mayın 23-də 30 gün müddətinə həbs olunub.

Həmkarlarının və yaxınlarının iddiasına görə, həbsin əsl səbəbi Əmiraslanovun facebook-da tortla müqayisə etdiyi Mehriban Əliyeva haqqında tənqidi statusdur.

Nicat Əmiraslanov NİDA Vətəndaş Hərəkatının üzvüdür.