NİDA Vətəndaş Hərəkartının üzvü Elgiz Qəhrəman  13 saylı Cəzaçəkmə Müəssisəsinə köçürülüb. 

Qeyd edək ki, digər NİDA-çı məhbuslar İlkin Rüstəmzadə və Bayram Məmmədov da 13 saylı cəzaçəkmə müəssisəsində saxlanılırlar.

Elgiz Qəhrəman ötən il avqustun 12-də saxlanıb və həmin gün onun haqqında CM-in 234.4.3-cü (külli miqdarda narkotik maddənin qanunsuz dövriyyəsi) maddəsi ilə həbs-qətimkan tədbiri seçilib.

E.Qəhrəman Daxili İşlər Nazirliyi Baş Mütəşəkkil Cinayətkarlıqla Mübarizə İdarəsində saxlanılıb. Həmin müddətdə vəkili yanına buraxılmayıb.

E.Qəhrəman yanvarın 16-da Bakı Ağır Cinayətlər Məhkəməsinin hökmü ilə 5 il 6 ay azadlıqdan məhrum edilib.

Fəalın həm özü, həm də üzvü olduğu NİDA Vətəndaş Hərəkatı həbsin siyasi motivli olduğunu bildirib.

Beynəlxalq Hüquq müdafiəçiləri onu siyasi məhbus kimi tanıyıblar.