Milli Şuraya mitinqi 8 apreldə keçirmək təklif edilir

Milli Şuraya mitinqi 8 apreldə keçirmək təklif edilir
4 Aprel 2017
Mətni dəyiş
Bakı Şəhər İcra Hakimiyyəti (BŞİH) Demokratik Qüvvələrin Milli Şurasının aprelin 9-da mitinq keçirməklə bağlı müraciətinə cavab verib.
Bu haqda Milli Şuraya daxil olan Azərbaycan Xalq Cəbhəsi Partiyasından (AXCP) bildiriblər.
Verilən xəbərə görə, BŞİH aprelin 9-da Milli Şuranın mitinq keçirməsinə razılıq verməyib.
Meriya təklif edib ki, müxalifətçilər etiraz aksiyasını bir gün əvvəl, aprelin 8-də keçirsinlər.
AXCP-dən deyiblər ki, şəhər rəhbərliyinin məktubu müzakirə edildikdən sonra açıqlama veriləcək.
Demokratik Qüvvələrin Milli Şurası martın 29-u Bakıda mitinq keçirmək haqqında qərar vermişdi.
Mitinqin aprelin 9-da keçirilməsi planlaşdırılırdı.
Mitinqdə "Korrupsiyaya son, monarxiyaya yox!", "Siyasi məhbuslara azadlıq!" şüarlarının səsləndiriləcəyi bildirilmişdi.
Ötən həftə mitinqin təşkilatçıları Bakı şəhər rəhbərliyinə xəbərdarlıq məktubu göndərmişdilər.

Bənzər Xəbərlər

Yeniliklərdən xəbərdar olmaq üçün abunə olun