Ermənistan bazarlarında sərhəd nəzarətindən keçməmiş Azərbaycan alması aşkar edildiyi bildirilir.

Bu barədə Rusiyanın lenta.ru saytı Ermənistan Dövlət ərzaq məhsulları təhlükəsizliyi xidmətinin rəsmi saytına istinadla xəbər yayıb.

Məlumata görə almaların hamısının məhv edilməsi göstəriş verilib.

“Meyvə-tərəvəz satışı yerlərində Azərbaycan məhsulları qeydə alınıb.Müfəttişlər dərhal bu almaların satışını qadağan edib və onların məhv edilməsini göstəriş verib”, press-relizdə deyilir.

Ərzaq təhlükəsizliyi xidmətinin əməkdaşları ölkə vətəndaşlarını bu cür qanunsuz məhsullar barədə dərhal məlumat verməyə çağırıblar.

İdarə ixracçını aydınlaşdırmaq üçün bazarlarda aşkar edilmiş bu məhsullar və onların fotolarını digər dövlət orqanlarına da göndərib.

[caption id="attachment_32604" align="alignnone" width="401"] DAD - alma[/caption]

Çünki rəsmi məlumatlarda sərhəd məntəqələrindən Azərbaycan məhsulları keçmədiyi bildirilir.