Koreya Xalq Demokratik Respublikası (KXDR) yaxın günlərdə daha bir nüvə sınağını keçirmək niyyətindədir.

"Report"un məlumatına görə, bu barədə "Fox News" ABŞ-ın adının çəkilməsini istəməyən məmurlarından birinə istinadən xəbər verib.

"Sınaq bu ayın sonlarında keçirilə bilər" – deyə mənbə bildirib.

Xəbərdə həmçinin qeyd edilir ki, ABŞ-ın Müdafiə Nazirliyinin təmsilçiləri KXDR-in nüvə sınağı meydançasına – Punqeriyə aparan yeni tuneli müəyyənləşdiriblər. Lakin buna baxmayaraq KXDR hakimiyyəti ora zəruri avadanlığı yerləşdirməyib.

Qeyd edək ki, bir qədər əvvəl KXDR-in uğursuz ballistik raket sınağı keçirdiyi məlum olub.