Ötən il Gürcüstan iqtisadiyyatına yatırılan birbaşa investisiyaların həcmi 1,645 mlrd. dollar təşkil edib.

APA Gürcüstanın Statistika İdarəsinə istinadən xəbər verir ki, ötən il qonşu ölkənin iqtisadiyyatına cəlb olunan birbaşa investisiyaların həcmi 2015-ci illə müqayisədə 22% çoxdur.

Bu məbləğin 32%-i və ya 1,119 mlrd. dolları təkrar investisiyaların payına düşüb.

Gürcüstan iqtisadiyyatına yatırılan birbaşa investisiyaların 35%-i və ya 1,069 mlrd. dolları Azərbaycanın payına düşür. İkinci və üçüncü yerləri müvafiq olaraq 17% və 7%-lə Türkiyə və Böyük Britaniya tutur.

Birbaşa investisiyaların daha çox yatırıldığı sektorlara gəlincə, hesabat dövründə nəqliyyat və rabitə sektoruna 645 mln. dollar cəlb olunub ki, bu da birbaşa xarici investisiyaların 39%-ə bərabərdir. İkinci yerdə 203 mln. dollarlıq göstərici ilə energetika sahəsi qərarlaşıb. Təxminən 163 mln. dollarlıq birbaşa investisiyanın cəlb olunduğu tikinti sektoru üçüncü yerdədir.