27 Fevral 2017
Mətni dəyiş
Bir müddət idi sağlanlığında problemlər olan jurnalist Zabil Müqabiloğlu bu gün xəstəxanada vəfat edib.
Abzas.net xəbər verir ki, bu barədə yaxınları məlumat verib. O, bu dəqiqələrdə 1 saylı şəhər kliniki xəstəxanasında (Semaşko) dünyasını dəyişib.
Uzun müddət xəstəlikdən əziyyət çəkən jurnalistin səhhəti ötən gecə qəfil pisləşib və o, koma vəziyyətində 1 saylı kliniki xəstəxanaya (Semaşko) yerləşdirilib. Onda kəskin daxili qanaxma başladığı, həkimlərin qanaxmanı saxlaya bilmədikləri bildirilib.
Z.Müqabiloğlu sabah Pirşağı qəbiristanlığında, valideynlərinin yanında torpağa tapşırılacaq.
Jurnalist 2016-cı ilin noyabrın 11-də də qaraciyərində bərkimə yarandığı üçün 1 saylı Şəhər Kliniki Xəstəxanasının reanimasiya şöbəsinə yerləşdirilmişdi. Onun qaraciyər transplantasiyasına ehtiyacı var idi.
Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Bakı Asiya Universitetinin jurnalistika fakultəsini bitirib. 1998-ci ildən mətbuatda olub, "525-ci qəzet", "Avropa", "Tərcüman" və "Yeni Müsavat" qəzetlərində çalışıb. Son illər isə “Gunxeber.com” saytına rəhbərlik edirdi.