Rusiyanın İrandakı səfiri Levan Cagaryan İrana "S-400" raket sistemi satmağı planlaşdırmadıqlarını söyləyib.

Cagaryan Rusiyanın "S-300" hava hücumundan müdafiə sistemlərinin daşınması mövzusunda məsuliyyətini yerinə yetirdiyini ifadə edərkən, "S-400"-lə bağlı yeni bir satışın gündəmdə olmadığını vurğulayıb.

"Milliyet" qəzetinin xəbərinə görə, "S-400" hava hücumundan müdafiə sistemi, çox sayda hədəfi eyni anda təqib etmə xüsusiyyətiylə "S-300"-lərin üst modeli olaraq bilinir.

Xatırladaq ki, Rusiya, İrana "S-300" hava hücumundan müdafiə sistemlərinin satışının tamamlandığını açıqlamışdı.