Ukraynanın şərqində vəziyyət yenidən gərginləşib

Ukraynanın şərqində vəziyyət yenidən gərginləşib
31 Yanvar 2017
Mətni dəyiş
Ukraynanın bildirdiyinə görə, ölkənin şərqində hökumət qüvvələri ilə Rusiya tərəfdarı separatçılar arasında iki gündür gedən döyüşlər zamanı azı 7 nəfər ölüb.
Tərəflər bir-birini ittiham etsə də, Ukrayna hökuməti son günlər baş verən zorakılıqların bazar günü üsyançıların nəzarətindəki Donetsk və Rusiya ilə sərhəddəki digər ərazilər daxil olmaqla, ölkənin şərqindəki bir neçə rusdilli bölgədə baş qaldırdığını deyib.
Kiyev üsyançıları döyüşlər zamanı tanklar və Qrad qumbaraatan qurğularndan istifadə etməkdə ittiham edib. Regionda tələfatların ciddi şəkildə azalmasına gətirib çıxarmış 2015-ci il razılığının şərtlərinə əsasən, Qrad tipli ağır tipli silahlardan istifadəyə qadağa qoyulub.
Kiyevdən Donestkin muxtariyyatını tələb edən üsyançı liderlər mülki infrastruktura böyük zərər dəydiyini, bir neçə ucqar kənddə elektrik və suyun kəsildiyini bildirib.

Bənzər Xəbərlər

Yeniliklərdən xəbərdar olmaq üçün abunə olun