Türkiyə və Azərbaycan arasında aviareyslər təxirə salınıb

Türkiyə və Azərbaycan arasında həyata keçiriləcək uçuşlar təxirə salınıb.
Türkiyə Hava Yollarının (THY) rəsmi səhifəsinə istinadən verilə  xəbərə görə, uçuşların təxirə salınmasına səbəb qarlı hava şəraitidir.
İstanbul Atatürk Hava Limanından Heydər Əliyev adına Beynəlxalq Hava Limanı və əks istiqamətdə 8-9 yanvar tarixlərində həyata keçirilməsi nəzərdə tutulan 5 uçuş təxirə salınıb.
Qeyd edək ki, kəskin hava şəraiti ilə əlaqədar THY ümumilikdə 471 uçuşunu müvəqqəti dayandırıb.