İspaniyanın "Real" klubunun və Portuqaliya yığmasının hücumçusu Cristiano Ronaldo rekord sayda - 11-ci dəfə UEFA versiyası üzrə ilin rəmzi yığmasına daxil edilib.

Yığma UEFA-nın saytında səsvermə nəticəsində hazırlanır.

Komandaya, həmçinin qapıçı Canluici Buffon ("Yuventus"), müdafiəçilər Serxio Ramos ("Real"), Jerar Pike ("Barselona"), Jerom Boatenq ("Bavariya") və Leonardo Bonuççi ("Yuventus") daxil olub. Bundan əlavə, yığmaya yarımmüdafiəçilər Andres İnyesta ("Barselona"), Toni Kroos ("Real") və Luka Modriç ("Real"), o cümlədən hücumçular Lionel Messi ("Barselona") və Antuan Qrizmann ("Atletiko") düşə bilib.

Ronaldu, Messi, İnyesta, Pike və Ramos 2015-ci ildə də UEFA yığmasına daxil olmuşdular, Qrizmann, Modriç, Bonuççi və Boatenq isə yığmaya birinci dəfədir seçilirlər.